قانیله قلبیم غمدن دولوبدور
بیرجه گوریدوم اوغلوم اولوبدور
گویلوم چوخ ایستر الله نه اولیدی
بیر قاسم آدلو اوغلوم اولِیدی
****معواده****
مسلمانلار بو سوزدن ائلرم ضعف
دوشوب اود جانیمه ضعف ائلرم ضعف
دواسیز دردیمه درمان ائدن یوخ
قبیله کربلادن بیر گئدن یوخ
حسینه بیر قلم کاغذ یازوم من
یازوم گَل ائت بو طویدا شیون
****بو طویون قدرینی****
که بساط رسول خدا سلیمان هانی
بویور گوریم بو طویون زینت اساس هانی
کباب ائدر بیله طوی لیلای قاره بختی
منیم یتیم بالامون اولوبدی طوی وقتی
آتاسی ئولوب عمو دان یوخدی طوی تمناسی
روا دگیل اولا بیر گونده طوئیله یاسی
****لباس شاهانه****
هانی بو طویدا علی اکبریله عباسیم
عمو اوغلوسوز بئله طوی ایسته مز جوان قاسم
اگر بَزَنسه عروس باشینه ویرار لیلا
***باشیمه****
امان امان اُولورم فکر ائدون مسلمانلار
مدینه شاهینه عرضه گیدوم مسلمانلار
نه کول توکوم باشیمه اِئلیونجه تکلیف
خانم لاروم گتورون هامی ویز طویا تشریف
امان امان اورگیم دؤندی غصّه دن قانه
ویرالّار باشلارینا بیر جواب وئرن یوخدور
«در حضور امام گوید»
فدا اولوم سنه ای شهریار ملک عرب
قوجاقلیوب دیزینی آغلیور باجون زینب
اویاندا لیلا بیچاره نون یانار جگری
نقدر سعی ائدوم آچما دیلار قاره لری
فدا مرُوَّتوه ای مُرُوَّتون کانی
بویور گئدوم گتوروم ایندی لیلانی
****قاره لیلانی****
فدا اولوم سیزه ای بلبلان باغ جنان
سیزون یانوزه منی گوندروب امام زمان
آقا دیوب چاغیرام باشدان إتمامی ویزی
قرا لری گوتورون من اُولوم سیزه سیزه قربان
حنا قویون اله اینجیت مِیون بو نالانی
خدا بو اللَره قربان سریه نون جانی
بئله خیال ایدورم یوخدی بو طویا میلی
اودور سبب که بئله ناله ایلیور لیلی
بو طویدا لیلادن اولدوم خجالت
نئجه تکلیف ائدوم من دل هزینه
گوزینی باغلیوب نازلو سکینه
آلوب بیر قانلو باش قوجاقه
نه دیوم ای خدا بو سینه داغه
آچوب نعشی اوسته گیسو لرین تل تل
«هوه به هوه گفته شود»
سلام اولسون سنه ای لیلی زاد
بیر عرضیم وار سنه جان سکینه
باشون ساق اولسون ای کان فراقت
عموسی قاسیمه گورور تدارک
که سنسیز بو طویون یوخدور وفاسی
قَرانی آچگیلان شال باشیوه سال
گتور حنا یاخوم ال ایاقه
گوزیوه سرمه چک چوخدور ثوابی
****طویا گلمم****
قوجاقلاما دیزیوی ای باجی امان دور امان
گتور اوپوم الیوی من اولوم سنه قربان
بو قدر ناله چکوب ائلمه خروش فغان
که ایندی اوغلومی من اوغلوا ائدرم قربان
گئدیم که من ایلیوم طوی لباسینی آماده
که ایندی سنده بو دَم اکبریوی سال یاده
****اساس****
گوز اوسته هر نه بویورسان مطیعم از دل جان
بو نامراد ئولَنه اِئله نالۀ افغان
ایا ستم زده زینب سنون اَلیندن داد
اوغلوما طوی ائدرم بیر ائدون منه امداد
بویور گئدک گتور خیمه گاهه قاسمی
بو غم شهید إئدجک بیگناه قاسمی
****عجب کولّری***
ای مسلمانلار گلون بیر باغریقانون طویودور
بی حنا بی سر مه بیر تازه جوانون طویودور
ای عزیز زاده اول مجتبانون طویودور
نوجواندور قاسم باغریقان دور قاسم
****یاسیدور****
قاسم جوانیم گَل تازه نوجوانیم گَل
گَل اوتور تخت اوسته تازلندی غم گَل
الده واردور هم فرصت قدیوه وئروم زینت
دیزیمده یوخدی طاقت روح و روانیم گَل
زینت وفا کرداریله وئردوم اوغوما زینت
قیل عمو سیزی اظهار یاندی جسم جانیم گَل
****فغاندور****
هوه به هوه گفته شود
خدایا رحم قیل قاسم جواندور
کباب ائتدی منی آهه بو سوزین
سنه قربان اولوم هم عروسه
اولوم قربان بئله تازه گلینه
گئدرسن گئت ولی یوخ منده طاقت
عروسیوی منه تاپشورما زنهار
اولور زینب یتیملر پاسبانی
**** برسر نعش****
گل سنبل خزان اولدی
گلستانه رقم دولدی
عروسین باغری قان اولدی
جوانیم وای جوانیم وای
چخوب جانیم فراقیندان
اوپوم قوی گُل دوداقیندان
گلور بو سس اوطاقیندان
جوانیم وای جوانیم وای
خزانه دوندی گلستان
گوز آچ ای جان وئرن عطشان
جوانیم وای جوانیم وای
گورورم دونسون بو ایامی
قویوب گتیر بو نالانی
آنان آسدی بوینونا شالی
جوانیم وای جوانیم وای
«تمام»
